Andrea Pirlo nuk është i vetmi që do të mbetet pa punë në rast se Juventusi përfundon jashtë top-katërshes në tabelën e Serie A këtë sezon.
Tuttosport raporton se Bianconerët janë duke e analizuar situatën në Allianz Stadium, mirëpo tash për tash pozita e presidentit Andrea Agnelli mbetet e paprekur.
Pas konfirmimit të tij, patroni më pas e konfirmoi edhe trajnerin, por pas një paraqitje tjetër të dobët kundër Fiorentinas, Juve po lufton për një vend që dërgon në Ligën e Kampionëve.
Pos kundërthënieve lidhur me Superligën Evropiane, tri fitore, dy barazime dhe dy humbje, në shtatë ndeshjet e fundit, e kanë lënë Zonjën e Vjetër në situatë të vështirë.
Moskualifikimi në Ligën e Kampionëve nënkupton reduktim të madh në të hyra dhe sipas gazetës torineze, shumëkush mund të mbetet pa punë te Juve. /Telegrafi/