Andrea Pirlo ka thënë se Juventusi po lufton në të gjitha frontet dhe do të japë gjithçka deri në fund, duke filluar me një tjetër lojë ‘vendimtare’ kundër Lazios.
Bianconerët arrijnë nga një fitore 3-0 kundër Spezias herën e fundit dhe përgatiten për ndeshjen e radhës ndaj një kundërshtari të fortë.
“Lazio është një ekip i shkëlqyeshëm që ka luajtur së bashku për disa vjet. Ata kanë një lojë të mirë-përcaktuar dhe rezultatet flasin për to. E dimë që do të përballemi me një ekip që do të luftojë për të arritur në majë”, ka thënë fillimisht Pirlo në konferencë për shtyp.
“Ne jemi duke u përgatitur për ndeshjen në mënyrën më të mirë të mundshme, duke ditur karakteristikat e tyre dhe e dimë që nuk do të jetë e lehtë”.
“Të gjitha ndeshjet janë vendimtare për Juventusin. E tashmja është ndeshja e nesërme, ne do të përqendrohemi me të gjitha forcat tona për të fituar dhe do të mendojmë vetëm për Porton pas kësaj”.
Juventusi është në finalen e Coppa Italias, 1/16-tën e Ligës së Kampionëve dhe qëndron i treti në Serie A, 10 pikë prapa liderit Interit, por me një lojë më pak.
“Ndeshjet janë të gjitha të rëndësishme, ndeshja e nesërme është gjithashtu e rëndësishme për tabelën. Entuziazmi është aty, sepse po kalojmë një periudhë lojërash të vështira dhe të rëndësishme. Dhe gjithmonë do të jetë aty”.
🎙 @Pirlo_official: "We are still in the race on all fronts and as long as there is hope we will give our all to try to win the league."#JuveLazio #ForzaJuve
— JuventusFC 🇬🇧🇺🇸 (@juventusfcen) March 5, 2021
“Në renditje, situata është e njëjtë me javën e kaluar. Ne duhet të jemi të gatshëm të mos bëjmë gabime në rast se bëjnë ato më lart”.
“Ne po luftojmë në të gjitha frontet dhe për sa kohë që ka shpresë, ne do të duhet të japim gjithçka që të përpiqemi të fitojmë kampionatin”.
“Atëherë, nëse të tjerët kurrë nuk bëjnë gabime dhe janë më të mirë në këtë, ne do t’i komplimentojmë ata në fund”, përfundoi trajneri i Juventusit. /Telegrafi/