Andrea Pirlo ka pranuar të marrë përgjegjësinë e skuadrës së Juventusit U-23, me qëllim që ndoshta të bëhet një ditë trajner i ekipit të parë.
Sky Sport Italia dhe gazetari Fabrizio Romano raportojnë se emërimi është bërë dhe se Pirlo do të ndihmohet nga trajneri i Napoli Primavera, Roberto Baronio.
Baronio iu bashkua ish-mesfushorit të Milanit pasi fituan Kampionatin Evropian U21 me Italinë në vitin 2000 dhe luajtën së bashku në Lojërat Olimpike Verore.
Pirlo do të zëvendësojë Fabio Pecchia, i cili udhëhoqi Juve U23 në Coppa Italia Serie C, por nuk arriti të fitojë promovim në Serie B në sezonin 2019-20.
Romano shkon në detaje të mëtejshme, duke pretenduar se ‘besimi i fshehtë’ i Andrea Agnellit është që 41-vjeçari të bëhet përfundimisht trajner i ekipit të parë.
Agnelli thuhet se pëlqen t’i imitojë zgjedhjet e Barcelonës dhe Real Madridit me emërimet e Pep Guardiolas dhe Zinedine Zidane në krye te ekipit.
Fituesi i Kupës së Botës i vendosi këpucët në gozhdë në vitin 2017 ndërsa luajti për ekipin amerikan nga MLS, New York City FC.
Ai vazhdoi të punojë si një ekspert për Sky Sport Italia por, ndërkohë, studioi zejen e trajnerit dhe përfundoi licencat me sukses. /Telegrafi/