Piratët kanë rrëmbyer 19 anëtarë të ekuipazhit nga një anije cisternë në pronësi të Greqisë, thanë pronari i anijes dhe menaxherët .
Kjo anije u sulmua të martën rreth 142 kilometra larg ishullit Bonny, i vendosur direkt në brigjet jugore të Nigerisë, në një zonë ku aktet e piraterisë janë në rritje, transmeton Telegrafi.
Tetë indianë dhe një turk nga ekuipazhi u kapën, sipas deklaratës së përbashkët të operatorëve të naftës.
“Shtatë anëtarët e ekuipazhit mbetën në bord dhe u tha që ta çonin anijen e ngarkuar në një pozicion më të sigurt”, thuhet në deklaratë. Kjo anije është e aftë të transportojë deri në 2 milion fuçi nafte.
Të gjitha autoritetet e duhura janë njoftuar dhe po merren të gjitha veprimet e nevojshme për të siguruar mirëqenien e tyre dhe lirimin e parakohshëm, thuhet në deklaratë.
“Ne po bëjmë gjithçka që është e nevojshme për t’u siguruar që 19 anëtarët e ekuipazhit do të kthehen të sigurt”, i tha një zyrtar agjencisë së lajmeve Reuters. /Telegrafi/