Mbrojtësi i Barcelonës, Gerard Pique ka thënë se përballja me Atleticon në Ligën e Kampionëve do të jetë edhe më e vështirë se ajo kundër Realit në fundjavë, por që gjithçka varet nga ekipi i tij.
Ai është shprehur optimist para përballjes së nesërme me Atleticon, duke thënë se janë të përgatitur fizikisht dhe mentalisht, transmeton Koha.net.
“Ndeshja e së martës është shumë e rëndësishme. Jemi në një formë të mirë fizike dhe psikike. Është e rëndësishme të bëjmë paraqitje të mirë kundër Atleticos pas humbjes nga Reali”.
“Nuk duhet të na tregojë askush sa e vështirë do të jetë, të gjithë e dimë atë. Duhet ta lëvizimin topin shpejtë, nëse e bëjmë atë mund të jemi të pandalshëm”, është shprehur Pique, raporton Goal.
Ai gjithashtu ka thënë: “Ne duam të fitojmë tripletën dhe të martën duhet të bëjmë një hap drejt qëllimit tonë. Do të jetë edhe më e vështirë se El Clasico, por në fund të fundit varet nga ne”.