Gerard Pique këmbëngul se Barcelona synon të mundë Tottenhamin në ndeshjen e fundit të grupeve të Ligës së Kampionëve, pavarësisht se tashmë ka fituar grupin.
Ndeshja ka rëndësi të madhe për vizitorët që konkurrojnë për vendin e dytë të kualifikimit nga grupi krahas gjigantëve italian Interit.
Klubi italian ka shprehur shqetësimin e tyre se Barcelona do të pushojë disa yje për këtë lojë.
Megjithatë, Pique këmbëngul se klubi i tij do të luajë si gjithmonë për fitore dhe shpresojnë ta mbajnë portën e paprekur.
“Sigurisht që ne do të luajmë për të fituar, ashtu siç bëjmë gjithmonë”, ka thënë fillimisht Pique për gazetën Tuttosport.
“Historia jonë e tregon këtë, dhe ne nuk duam ndërprerjen e rezultateve tona të mira”.
“Në veçanti, ne duam të fitojmë dhe të mbajmë një tjetër ndeshje portën e paprekur”.
“Sa për Interin dhe Tottenhamin, unë shpresoj që ekipi më i mirë të kualifikohet”.
“Sigurisht, ne do të luajmë lojën tonë duke u përpjekur ta fitojmë ndeshjen”, përfundoi mbrojtësi spanjoll. /Telegrafi/