Kylian Mbappe mund të mos ketë shënuar aq gola në lojë të hapur sa pritej prej tij nga tifozët e Real Madridit, por një gjë që nuk mund të fajësohet te francezi është gjendja e tij fizike.
Sipas burimeve të Relevo brenda Real Madridit, sulmuesi francez i ka befasuar të gjithë në klub me formën e tij fizike dhe tip-top që kur mbërriti në klub.
Është edhe më e habitshme që Mbappe nuk ka punësuar një trajner personal për të ruajtur formën e tij.
Ai punon vetëm me ekipin e fitnesit në Valdebebas dhe Antonio Pintus.
Për më tepër, Real Madrid është i impresionuar që Mbappe punoi shumë për fitnesin e tij gjatë verës për të mbërritur në klub në formën më të mirë të mundshme.
Mbappe ka nisur të gjitha 8 ndeshjet e Real Madridit këtë sezon duke shënuar gjashtë gola plus një asistim. /Telegrafi/