Një “pinguin perandor” është vënë nën kujdesin e ekspertëve të jetës së egër pasi u bë anëtari i parë i species së tij që ka bërë udhëtimin 3500 kilometra nga Antarktida në Australi.
Departamenti Australian i Biodiversitetit, Ruajtjes dhe Atraksioneve tha se pinguini mashkull, me nofkën Gus, ishte i kequshqyer kur u pa për herë të parë pranë Danimarkës, përcjell Telegrafi.
Aaron Fowler ishte ndër të parët që vuri re Gus-in të dilte nga dallgët më 1 nëntor.
“Ishte ky zog i madh në ujë, dhe ne menduam se ishte një tjetër zog deti, por më pas ai vazhdoi t’i afrohej bregut – dhe ishte shumë i madh – dhe ai thjesht u ngrit dhe u përpoq drejt nesh”, ka treguar Fowler.
Ndërkohë Carol Biddulph, një shpëtimtare e regjistruar e kafshëve të egra në departament, kapi pinguinin dhe e solli përsëri në objektin e saj për kujdes.
Gus fillimisht peshonte rreth 23 kilogramë – shumë më pak se pesha 45 kilogramë që është e zakonshme për një pinguin perandor mashkull të rritur.
Zyrtarët e Departamentit të Biodiversitetit, Konservimit dhe Atraksioneve se ata ende po mendonin nëse do të ishte e mundur të kthehej Gus në kontinentin e tij të lindjes. /Telegrafi/