Philadelphia 76ers ka arritur ta fitoj derbin e mbrëmjes në elitën e basketbollit amerikan NBA ndaj Brooklyn Nets.
Ndeshja e zhvilluar në Barclays Center ka qenë fantastike, pasi rezultati ishte i ngushtë gjatë tërë sfidës, por në fund mysafirët fituan me tetë pikë diferencë 102:110.
Qendra kamerunase e 76ers, Joel Embiid ishte më meritori për këtë fitore pasi e mbylli ndeshjen me 34 pikë, shtatë kërcime e një asistim.
Formë të mirë shfaqi edhe Tyrey Maxey me 25 pikë, shtatë kërcime e katër asistime në fitoren e 76ers.
Te skuadra vendase James Harden dhe Kevin Durant shënuan nga 33 pikë, por që nuk mjaftuan për fitore.
Me fitore ka vazhduar edhe kampioni në fuqi Milwaukee Bucks, që ka triumfuar në udhëtim te Orlando Magic me rezultat 118:136.
Giannis Antetokounmpo ishte fantastik në këtë takim me 33 pikë, 12 kërcime e pesë asistime. /Telegrafi/
