Telegrafi

Phil Foden: 13 gjërat që ndoshta nuk i keni ditur për talentin që vlerësohet shumë nga anglezët

Driton Gajraku

Phil Foden po vazhdon të shkëlqejë te Manchester City qysh kur u rikthye futbolli në Ligën Premier që ishte ndërprerë nga coronavirusi në mesin e muajit mars.

Lojtari 20-vjeçar ka shënuar katër gola në tri ndeshjet e zhvilluara, përfshirë këtu golin e tretë te City në fitoren 4-0 ndaj Liverpoolit në javën e kaluar.

Foden, që luajti për më shumë se 90 minuta, ishte vlerësua shumë lartë nga Pep Guardiola për kontributin e tij.

“Nuk dua të them shumë gjëra, por Gareth Southgate e ka në duart e tij një talent të pabesueshëm”, kishte thënë spanjolli pas ndeshjes.

Me këtë elozhe të Guardiola, më poshtë mund t’i shikoni 13 gjërat që ndoshta nuk i keni ditur për Foden.

Nuk mjaftohet asnjëherë nga futbolli dhe vazhdon të luajë edhe në rrugë.

Pep Guardiola e vlerëson si lojtarin më të talentuar që ka parë ndonjëherë.

Ai i ka blerë familjes së tij një vilë që kushtoi mbi dy milionë euro si 18-vjeçar.

Foden është bërë baba si 18-vjeçar.

Anglezi ka qenë tifoz i Cityt që kur ishte i vogël.

Por, babai i tij është një tifoz i flakët i Manchester United.

Nofka e tij është “Ronnie”.

Ai është i njohur po ashtu me “The Baby Shark” dhe “The Stockport Iniesta”.

Foden është adhurues i madh i peshkimit.

Ai mban rekordin në librin “Guinnes” ku fitoi Ligën Premier si 17-vjeçar e 350 ditë në sezonin 2017/18.

Anglezi mban po ashtu edhe dy rekorde të Ligës së Kampionëve – startoi si 17-vjeçar në humbjen 2-1 ndaj Shakhtar Donetskut dhe po ashtu si anglezi i parë më i ri që luan në nivele të larta, rekord ky që mbahej nga ish-talenti i Chelseat, Josh McEachran.

Foden ishte shpallur si lojtari më i mirë në Kupën e Botës për grupmoshat U-17.

Ishte shpallur si personaliteti i vitit nga BBC Sport. /Telegrafi/