Robert F Kennedy Jr ka thënë se po pezullon kandidimin e tij të pavarur për presidencën e SHBA-së dhe pritet t’i “japë mbështetjen” Donald Trump.
Sipas mediave të huaja, përcjell Telegrafi, Kennedy, 70 vjeç, është një demokrat për pjesën më të madhe të jetës së tij dhe pasardhës i dinastisë së fuqishme Kennedy.
Ai tha se parimet që e kishin çuar atë të largohej nga Partia Demokratike e kishin detyruar tani atë “t’i japë mbështetjen time presidentit Trump”.
Ai këmbënguli se nuk do të largohej dhe do ta mbante emrin e tij në fletën e votimit në shtetet ku nuk do të ndikojë në garë.
Kennedy tha se këmbëngulja e Trump se ai mund t’i jepte fund luftës në Ukrainë duke negociuar me Rusinë “vetëm do të justifikonte mbështetjen time për fushatën e tij”.
Ai tha se do të hiqte emrin e tij nga 10 shtete ku prania e tij do të ishte një “prishje” e përpjekjes së Trump.
Para se të punonte për të zgjedhur Trumpin, Kennedy tha se ai kërkoi të kishte biseda të ngjashme me zonjën Harris.
Ndërkohë ka ardhur një reagim nga familjarët e tij.
Pesë nga vëllezërit e motrat e RFK Jr kanë ndarë një deklaratë duke denoncuar vendimin e vëllait të tyre për të mbështetur Trumpin.
I am sharing a personal statement that my family and I have made in response to my brother’s announcement. pic.twitter.com/j7vTTabNYZ
— Kerry Kennedy (@KerryKennedyRFK) August 23, 2024
“Ne duam një Amerikë të mbushur me shpresë dhe të lidhur së bashku nga një vizion i përbashkët për një të ardhme më të ndritshme, një të ardhme të përcaktuar nga liria individuale, premtimi ekonomik dhe krenaria kombëtare. Ne besojmë në Harris dhe Walz. Vendimi i vëllait tonë Bobby për të mbështetur Trump sot është një tradhti ndaj vlerave që babai ynë dhe familja jonë i kanë më të dashura. Është një fund i trishtuar i një historie të trishtuar”, kanë thënë në një deklaratë Kathleen Kennedy Townsend, Courtney Kennedy, Kerry Kennedy, Chris Kennedy dhe Rory Kennedy. /Telegrafi/