Një gjykatë braziliane, me rekomandimin e Prokurorisë së Shtetit në Sao Paulo, kishte iniciuar hetime ndaj futbollistit më të shtrenjtë në botë, Neymar, i akuzuar nga modelja, Najila Trindade për përdhunim, por të cilat i ka pezulluar për mungesë provash.
Ajo pretendoi se brazilian e kishte detyruar të kryente marrëdhënie seksuale më 15 maj të këtij viti në një hotel në Paris gjersa lojtari kishte mohuar me këmbëngulje akuzat që nga fillimi.
Pak pasi shpërtheu afera, policia braziliane filloi një hetim, duke i përfunduar ato në fund të korrikut.
“Policia nuk mblodhi prova të mjaftueshme për përdhunim gjatë hetimit dhe ne nuk mund ta dimë se çfarë ndodhi. Ne kemi vetëm deklaratat e tyre dhe asnjë provë. Kështu që vendosëm të pezullojmë procedurat”, tha prokurori Flavia Merlini.
Më parë, pamjet u shfaqën në publik duke treguar se Trindade po godite Neymarin gjatë një grindje në një dhomë hoteli.
Ndryshe, Neymari nuk dihet nëse do të vazhdojë karrierën te PSG-ja gjersa thuhet se do të kalojë te Barcelona ose Real Madridi. /Telegrafi/
https://youtu.be/QxvQDJm1FrM?t=7