Peugeot 408 i ri arrin në fund të qershorit

Prodhuesi francez i veturave Peugeot, ka paralajmëruar modelin e ri në gamën e saj që bartë emrin e vjetër – pra modelin 408.

Në një kumtesë të shkurtër për media, prodhuesi francez ka njoftuar se vetura e re kombinon karakteristikat e modelit SUV me siluetën e “fastbackut”, që nënkupton se do të ketë formën e një coupe – me pesë dyer, transmeton Telegrafi.

Përveç kësaj, thuhet se Peugeot 408 i ri do të jetë një veturë globale – që mund të pritet në të gjitha tregjet e botës, pra jo vetëm në Evropë.

Detajet tjera do t’i mësojmë pas prezantimit zyrtar që është paralajmëruar në fund të qershorit. /Telegrafi/