Kompania e cila njihet si lider i shitjes së derivateve “Petrol Company”, pak ditë më parë ka ndihmuar 50 familje në nevojë me pako ushqimore dhe miell, por ajo vazhdon tu del në ndihmë familje në nevojë pavarësisht situatës së krijuar në vend, duke u dërguar ushqime dhe miell shumë familjeve pranë banesave/shtëpive të tyre.
Valentina Mekani – menaxhere për media në Petrol Company ka thënë “pas aktivitetit humanitar që patëm me shpërndarjen e ndihmave për 50 familje në nevojë pak ditë më parë, kemi pasur shumë kërkesa nga më të ndryshmet drejtuar kanaleve tona të komunikimit, për t’ju dalë në ndihmë me ushqim. Pas këtyre kërkesave, ne si kompani humane që jemi sigurisht që nuk i kemi injoruar shqetësimin dhe kërkesat e këtyre familjeve, jemi organizuar menjëherë për përgatitjen dhe shpërndarjen e ndihmave”.
Mekani më tutje vazhdoj duke thënë që pasi kërkesat janë bërë direkt nga familjet në Petrol Company, është krijuar një listë e të gjithë atyre që kanë bërë kërkesë për t’u ndihmuar. Ndihmat janë shpërndarë nga stafi emergjent i Petrol Company te secila familje veç e veç. Numri i familjeve që janë ndihmuar me ndihma janë gjithsej 36 familje, të cilat pranuan nga një thes miell 25 kg dhe pako ushqimore.
Petrol Company vazhdon të funksionoj me orare dhe staf të reduktuar dhe duke respektuar orën policore. Ju kujtojmë që në çdo pikë të Petrol Company funksionojnë maketet e saj “One Stop Shop”, ku i gjeni të gjitha gjërat e nevojshme.
