Kryeshefi ekzekutiv i Fondacionit “Sfidat e Mijëvjeçarit”, Petrit Selimi, ka reaguar pasi i dërguari i posaçëm i Shtëpisë së Bardhë për dialogun Kosovë- Serbi, Richard Grenell i përgënjeshtroi deklaratat e tij në Twitter.
Selimi ka shkruar në Twitter se në lidhje me publikimet e tij për viza i është referuar Ministrit të Drejtësisë, Selim Selimi dhe televizionit T7.
Ndërsa sa i përket, çështjes së gazit, ai tha se është çështje e cila tashmë është publike.
“Lidhur me postimet për gaz dhe viza, SH.B.A. mbështet diversifikimin e energjisë së Kosovës përmes kompaktit potencial të MCC, ky është një informacion publik: https://www.mcc.gov/news-and-events/release/release-121218-mcc-dec-board-meeting, ndërsa për heqjen e vizave për Kosovën, unë citova mediet e Kosovës T7 & Ministrin e Drejtësisë të Kosovës të cilët thanë të njëjtën gjë dje”, ka shkruar Selimi në Twitter.
I dërguari i posaçëm i Shtëpisë së Bardhë për dialogun Kosovë-Serbi, Richard Grenell ka reaguar ndaj deklaratës së Selimit, i cili ka thënë se ka mundësi që SHBA-të të heqin vizat për kosovarët brenda 45 ditësh. /Telegrafi/
Regarding tweets on gas & visas – US supports Kosovo energy difersification through potential MCC compact, this is a public information: https://t.co/QtDRPLRybM while on visa waiver for Kosovo, I quoted Kosovo media T7 & Kosovo justice minister who said the same thing yesterday.
— Petrit Selimi (@Petrit) September 5, 2020