Petrit Sefaj, një emër që për shumë mund të mos tingëllojë i njohur në vesh, por që pa dyshim është penë e artë e disa prej hiteve më të njohura të estradës shqiptare.
Ai është tekstshkruesi i talentuar që së fundmi solli në qendër të vëmendjes tekstin e këngës “Zemrën n’dorë” të kënduar nga Besa Kokëdhima, e cila ka qenë zgjedhur si kënga përfaqësuese e Shqipërisë në ‘Eurovision 2024’.
Me një kreativitet që nuk njeh kufij dhe një aftësi të rrallë për të kapur thelbin e ndjenjave në vargje, Petriti ka qenë krijuesi i teksteve të hitet si “Jena 2” të interpretuar nga Samanta dhe Capital T, “A jena” nga Johny Rapaj & Majk & Ermal Fejzullahu, si dhe “Diabla” nga David Dreshaj & Young Zerka.
Nuk mungojnë në sirtarin e tij edhe këngë si “Si kalama” nga Besa dhe Lyrical Son, që kanë ngjallur jehonë dhe janë bërë shpejt pjesë e kulturës R&B.
Por karriera e Petritit nuk qëndron vetëm tek zhanret e muzikës moderne. Me një bagazh të gjerë kreativ dhe një sens të thellë për ritmin dhe melodinë, ai ka arritur të kalojë me lehtësi nga zhanri në zhanër dhe ka dhënë kontributin e tij edhe në fushën e muzikës popullore. Ky talent i veçantë për të shkruar tekste të ndryshme, pa u kufizuar nga zhanret, e bën atë një figurë të rrallë dhe të çmuar në industrinë muzikore shqiptare.
Njohur për aftësinë e tij për të shkruar vargje të cilat rezonojnë me zemrat dhe emocionet e audiencës, Petrit Sefaj ka provuar të jetë një mjeshtër i vërtetë i fjalëve. Suksesi i tij i fundit me “Zemrën n’dorë” në një platformë kaq prestigjioze si Eurovision është një dëshmi e kualitetit të punës së tij dhe e aftësisë për të arritur jo vetëm në veshët por edhe në zemrat e dëgjuesve përtej kufijve kombëtarë.
Me një karrierë që vazhdon të lulëzojë dhe me premtime për më shumë bashkëpunime dhe projekte në horizont, Petrit Sefaj mbetet një ndër emrat më premtues në skenën e muzikës shqiptare, i cili me siguri do të vazhdojë të sjellë krijimtari dhe hite që do të mbeten në kujtesën kolektive për vite me radhë. /Telegrafi/