Ish kryetari i Kuvendit të Maqedonisë në periudhën 1996/98, Tito Petkovski, konsideron se nëse BDI-ja pranon të formojë qeveri me OBRM-PDUKM-në, atëherë do t’i ekspozohej një rreziku serioz që do të shkaktonte shpërbërjen e kësaj partie në zgjedhjet e ardhshme, përcjell Telegrafi Maqedoni.
“Nëse BDI-ja dëshiron edhe më tej të ketë rënie, atëherë le të shkojë me OBRM-PDUKM-në. Por mendoj se edhe atje do të mbizotërojë mendja e shëndoshë dhe forcat e shëndosha”, tha Tito Petkovski, ish kryetar i Kuvendit.
Sipas Petkovskit gjatë kësaj jave, do të sqarohet pasqyra politike në Maqedoni, duke pritur se a do t’i pranojë Komisioni Shtetëror i Zgjedhjeve ankesat e partive politike, gjë që mund të ketë ndryshim të raportit të mandateve ndërmjet partive./Telegrafi/