Djaloshi më i “shëndoshë në botë” tani është pothuajse një person tjetër dhe mezi po arrijnë ta njohin shokët, pasi ky nxënës ka arritur të humb pothuajse gjysmën e peshës trupore.
Arya Permana, 14-vjeç, pesë vite më parë i kishte plot 190 kilogramë, por tani peshon vetëm 69 kilogramë dhe po inkurajon të tjerët që ta ndjekin shembullin e tij të humbjes së peshës së tepërt trupore, përmes dietave të shëndetshme, transmeton Telegrafi.
Ky nxënës kishte habitur mjekët kur i panë fotografitë e tij të shkrepura pesë vite më parë, ku shihej duke luajtur pranë pishinës në një fshat të vogël në Java të Indonezisë.
Arya dukej aq gjigant sa që pothuajse asnjë rrobë nuk i përshtatej në trup – e kjo po ndodhte pasi vazhdimisht hante ushqim të pashëndetshëm dhe më shumë kalori.
Mbipesha i shkaktoi edhe probleme tjera – nuk mund të shkonte në shkollë sepse këmbët nuk ia mbanin trupin. E pas një diete dhe ushtrimeve të rregullta për pesë vite, Arya ka humbur 100 kilogramë.
Ai tani praktikon ecjen deri në tri kilometra në ditë dhe vazhdimisht luan basketboll me miqtë për plotë dy orë. Gjithashtu udhëtimin nga shkolla në shtëpi e bënë në këmbë. /Telegrafi/
