Krijesat e pazakonta që i kanë kapur në brigjet e Darwin të Australisë, kanë bërë që peshkatarët të mbesin të befasuar, por nuk kanë hezituar që t’i pjekin.
Nuk dihet se çfarë janë këto gjallesa që ngjajnë me ato parahistoriket, me dy zgjatime në pjesën e përparme të fytyrës, sy të nxjerrë përjashta dhe bisht të shkurtër, transmeton Telegrafi.
Sipas njohësve të peshqve, këto janë parë në thellësi deri në 20 metra, por nuk kanë dalë më herët afër sipërfaqes së detit.
Megjithëse nuk e dinin se çfarë janë peshqit që u ranë në rrjetë, ata i kanë vënë në skarë për t’i pjekur, mirëpo nuk i kanë ngrënë.
Ekspertët janë shprehur të pakënaqur me veprimin e peshkatarëve, meqë do duhej t’i dërgonin në laboratorë ku kryhen hulumtime mbi gjallesat. /Telegrafi/