Pesha, koha dhe vendi ku zhvillohet meçi i shumë pritur në mes të Khabibit dhe Poirierit

Khabib Nurmagomedov dhe Dustin Poirier i kanë përfunduar matjet zyrtare për përballjen e tyre në kuadër të UFC 242.

Kjo përballje e arteve të përziera marciale, ‘UFC 242’, do të zhvillohet në Abu Dhabi të Emirateve të Bashkuara Arabe më 7 shtator 2019 nga ora 22:00 sipas kohës tonë lokale.

Të dy luftëtarët kanë kryer të gjitha përgatitjet, matjet dhe përballjen para meçit dhe kështu janë gati për këtë duel.

Të dy luftëtarët kishin nga 70 kilogramë, peshë kjo që u lejon ta zhvillojnë përballjen.

Luftëtari çeçen dhe ai amerikan do të ndeshen mes vete mbrëma në kërkim të titullit në kategorinë e peshave të lehta në UFC, i cili mbahet nga Khabib.

Lexo po ashtu Poiriet e paralajmëron Khabibin: Do t’i jap fund rekordit të tij si i pamposhtur

Sikurse Khabib, ashtu edhe Poirier u panë të relaksuar gjatë përballjes, ndërsa treguan respekt për njëri-tjetrin.

Ndryshe, Khabib ka një rekord prej 27 fitoreve dhe asnjë humbje, ndërsa Poirier ka 25 fitore dhe pesë humbje. /Telegrafi/