Pesë persona janë lënduar pas përmbysjes së një makine “Jeep” e drejtuar nga K.K.A.A (1972) nga Egjipti, i cili jeton në Holandë, në rrugën Tabanoc-Kumanovë.
Siç njoftojnë nga MPB, aksidenti ka ndodhur dje pasdite, ndërsa në polici është paraqitur në orën 15:30, përcjell Telegrafi Maqedoni.
“Pas aksidentit me makinën e Ndihmës së Shpejtë shoferi dhe katër bashkëudhëtarët janë dërguar në Qendrën mjekësore në Kumanovë për ndihmë mjekësore dhe nga ana e mjekëve u janë konstatuar lëndime”, thonë nga MPB.
Ata shtojnë se hetime në vendin e ngjarjes janë kryer nga ekipi i SPB Kumanovë dhe po punojnë për zbardhjen e aksidentit./Telegrafi/