Një zjarr ka përfshirë të martën në mbrëmje Muzeun e Dëshmorëve në Landovicë të Prizrenit.
Në raportin e Policisë thuhet se të martën rreth orën 20:20 në rrethana të panjohura është përfshirë nga zjarri kutia shpërndarëse e rrymës në objektin e Muzeut të Dëshmorëve.
“Në vendin e ngjarjes kanë dalë njësitet përkatëse ndërsa ekipi i zjarrfikësve ka lokalizuar zjarrin”, njofton policia, transmeton Telegrafi.
Ndryshe, Muzeu i Dëshmorëve u përurua para katër ditësh, në 22 vjetorin e çlirimit të Prizrenit.
Në këtë muze të do të ekspozohen dokumente dhe eksponentë të dëshmorëve të luftës së UÇK-së. /Telegrafi/
