Me këtë rast, Kryetari Rexhepi, ka vlerësuar se ky projekt është i pari i kësaj natyre që realizohet në Kosovë dhe do të ndihmoj bizneset në krijimin e kushteve më të mira për punë.
Ai theksoi se rëndësi e veçantë e këtij projekti është se do të krijohen mundësi edhe për hapjen e vendeve të reja të punës në këtë qytet, ku papunësia është e madhe.
Në anë tjetër, shefi i Operacioneve në Zyrën Ndërlidhëse të Komisionit Evropian në Kosovë, Kjartan Bjornsson, uroi pronarët e bizneseve dhe qytetarët mitrovicas për këtë projekt mjaft të rëndësishëm.
Në këtë Park të Bizneseve përfitues janë gjithsej 22 biznese, mirëpo deri me tani janë aktivizuar vetëm 7 sosh, përderisa 4 të tjera janë në përgatitje për të filluar punën normalisht.
Parku i Biznesit është ngritur në një zonë që më parë shfrytëzohej si treg i kafshëve me një sipërfaqe të përshtatshme për vendosjen e bizneseve prodhuese për një periudhe 10-vjeçare pa pagesë. /Telegrafi/