Komuna e Prishtinës dhe Drejtoria për Sport në këtë komunë, të premten kanë përuruar dy fusha sportive për SHFMU “Hilmi Rakovica”.
Në përurim morën pjesë, nënkryetarja e Prishtinës, Donjeta Sahatçiu dhe drejtori për sport, Granit Rugova, të cilët u pritën nga drejtori i shkollës Skender Halimi, arsimtarët dhe nxënësit.
“Fëmijë e nxënës të lumtur, arsimtarë e prindër mirënjohës, ndërsa unë me kolegët nga Drejtoria për Sport dhe nënkryetarja Donjeta Sahatçiu shumë krenarë që kishim mundësinë të bëjmë diçka për ta”, u shpreh Rugova.
Ai premtoi se Komuna Prishtinës do të vazhdojë edhe më tej mbështetjen edhe për secilën lagje e fshat të kryeqytetit.
“Fëmijët e kësaj shkolle tashmë kanë ku t’i kryejnë aktivitet e tyre sportive”, tha Rugova.
