Hulumtimi i Qendrës Kosovare për Studime të Sigurisë nxori në pah se organizatat terroriste shfrytëzojnë rrjetet sociale për të bërë thirrje për Xhihad, përkrahje për hoxhallarët e arrestuar, mbështetje për sulmet terroriste ndaj perëndimit e thirrje të tjera.
Sa i përket kësaj hulumtuesi në Qendrën Kosovare për Studime të Siguri, Skënder Perteshi në Click në RTV21 tha se jemi shumë të pambrojtur prej fenomenit të ekstremizmit online.
“Arsyeja e parë është fenomen i ri … Nëse flasim për sa AKI-ja, policia i marrin informacionet që vendosen në Facebook, ose Twitter, ose YouTube ose dikund tjetër, nëse pyesim sa i marrin për bazë për me ba hetime penale ose hetime të ndryshme për luftimin e terorrizmit, mendoj është diçka tjetër, nëse flasim sa të rinjët tonë ndikohen ose sa jemi në gjendje ose kemi mekanizma për me i parandalu këto grupe të publikojnë, online në web-site të ndryshme ne kemi shumë pak kapacitete sepse nuk i kontrollojmë vet browserat e para edhe e dyta është: kemi vetëm disa zyrtarë policorë, nuk janë as 10 … Shumë pak që punojnë në kibernetikë”, tha Perteshi./21Media/
