Në orët e hershme të mëngjesit të së hënës, pesë persona të armatosur kanë kryer një vjedhje në Zonën Industriale në Fushë Kosovë, afër ndërtesës së AKI-së.
Telegrafi ka siguruar pamjet nga kryerja e kësaj vjedhje, ku personat e maskuar dhe të armatosur kanë arritur të marrin vetëm disa fellne me goma të veturave që kapin shifrën rreth 1 mijë euro.
Pronari i depos ku është kryer vjedhja në kushte anonimiteti ka treguar për Telegrafin, se roja i sigurimit i cili ka qenë në vend të ngjarjes, nuk ka guxuar të iu afrohet, pasi që ata kanë qenë të armatosur me armë zjarri të llojit “Skorpion”.
Ai po ashtu ka treguar se ka paraqitur rastin në polici. /Telegrafi/
