Raportime të shumta në Itali pretendojnë se ylli i Romës, Paulo Dybala mund t’i nënshtrohet një skanimi vendimtar për të vlerësuar kohën e rikuperimit të tij nesër dhe jo sot.
Sulmuesi argjentinas pësoi një lëndim kuadriceps gjatë ekzekutimit të penalltisë kundër Lecces të dielën mbrëma.
Jose Mourinho dukej i shqetësuar, duke pranuar se La Joya nuk do të luante më për Giallorossët në 2022.
Ka frikë se Dybala do të humbasë Botërorin me Argjentinën, por koha e saktë e rikuperimit për ish- sulmuesin e Juventusit është ende e paqartë.
La Gazzetta Dello Sport dhe Il Corriere Dello Sport raportojnë se Roma mund të shtyjë imazhin e rezonancës magnetike të Dybalas për të mërkurën për të pasur një pamje më të qartë të gjendjes së tij fizike.
Il dilemma Dybala: la risonanza potrebbe slittare a domani #Roma https://t.co/niTrzHLJBk
— La Gazzetta dello Sport (@Gazzetta_it) October 11, 2022
Argjentinasi iu nënshtrua testeve fillestare të hënën pasdite, por sipas Gazzettas, mjekët nuk mund të vlerësonin natyrën e saktë të lëndimit dhe kohën e rikuperimit pasi ka ende lëngje në kofshën e tij të lënduar.
Prandaj, ata mund të shtyjnë testin vendimtar për të mërkurën për të kuptuar më mirë situatën dhe sa kohë do të qëndrojë Dybala jashtë fushës. /Telegrafi/