Menaxheri legjendar i Manchester Unitedit, Sir Alex Ferguson, ishte në Paris për t’i uruar dikur lojtarët e tij, Nani dhe Cristiano Ronaldo, pas triumfit në ‘Euro 2016’.
Portugalia u shpall kampion i Evropës pas fitores prej 1-0 kundër Francës, ndërsa në këtë ngjarje të madhe sportive nuk mund të mungonte ish-trajneri skocez.
Ai fillimisht e uroi Nanin, për të vazhduar me trajnerin portugez e Pepen dhe natyrisht përqafimi më i madh ishte me Cristiano Ronaldon.
Sir Alex e priste superyllin e Real Madridit për t’ia uruar këtë fitore të madhe në karrierën e tij. /Telegrafi/
