Kamerat e sigurisë kanë filmuar një sulm brutal kurse pamjet janë publikuar në internet, ku shihet një grup të rinjsh sulmojnë një bashkëmoshatar të cilin përpos që e rrahin ia ngulin tri herë thikën në shpinë.
Viktima po mundohej të fshihej prapa banakut të një lokali, kur disa të rinj me çdo kusht e nxorën nga banaku dhe njëri prej tyre e theri tri herë me thikë, transmeton Telegrafi.
Pamjet rrëqethëse i ka publikuar policia metropolitane, e cila po kërkon ndihmën e qytetarëve në identifikimin e sulmuesve të cilët janë në arrati.
Sulmi i pamëshirshëm ka ndodhur në një piceri në pjesën lindore të Londrës, kurse viktima është një 18-vjeçar i cili ende nuk dihet se si përfundoi duke u kacafytur me të rinjtë.
Ai është dërguar me urgjencë në spital ku pas tretmanit është konstatuar se është jashtë rrezikut për jetë. /Telegrafi/
