Të paktën tre njerëz kanë mbetur të vdekur dhe nëntë të tjerë janë plagosur në një përplasje të dy trenave në qytetin belg, Hermalle, afër Lieges, bëjnë të ditur burimet zyrtare.
Aksidenti ndodhi mbrëmë rreth orës 23:00, ku një tren me pasagjerë u përplas me një tren që transportonte mallra, i cili po lëvizte me shpejtësi të madhe, bëjnë të ditur menaxherë të infrastrukturës hekurudhore në Belgjikë.
Sipas tyre, të dy trenat ishin në rrugë të njëjtë, shkruan BBC, transmeton KosovaPress.
Një kryebashkiak tha se treni i pasagjerëve ka qenë në gjendje të tmerrshme, prandaj konsiderohet fat që nuk ka pasur më shumë viktima.
Treni, me rreth 40 njerëz në bord, ishte duke udhëtuar në mes të Liezhit dhe Namur në rreth 90 km, kur u godit nga trenin i mallrave.