Mjaftoi një mizë e vogël, që të gjitha dominotë e vendosura me shumë kujdes, të rrëzohen brenda sekondave.
Sinners Domino po përpiqeshin të thyenin rekordin e tyre me të cilin hynë në Librin e Rekordeve të Ginisit më 2013, duke angazhuar 22 punonjës që të vendosin me pinca 596,229 domino të vogla, transmeton Telegrafi.
“Miza e shkaktoi efektin domino, që nuk mund ta ndalonim. Ishte e pa pritshme dhe nuk mund të kthehemi prapa”, ka thënë një prej anëtarëve të grupit.
Mësohet se këto janë domino të vogla sa një thua i gishtit, ndërsa për t’i vënë siç ishte planifikuar u shpenzuan më se dy javë.
Megjithatë, ky grup gjerman e mban katër rekorde botërore me domino, përfshirë edhe atë të linjës që zgjati më së shumti për tu rrëzuar. Prej dominos së parë, deri në të fundit, u desh të kalonin 15 minuta.
Ata mbajnë rekordin për murin më të lart nga dominotë, spiralen më të gjerë dhe kubin më të madh. /Telegrafi/