Përparim Hetemaj do t’i japë fund karrierës së tij të mrekullueshme ditën e sotme.
Mesfushori nga Kosova do t’i jap fund karrierës së tij pas 19 viteve në futbollin profesionist, ku ka luajtur në vende të ndryshme si Finlandë, Greqi, Holandë dhe Itali.
HJK Helsinki, AEK Athinë, Apolon Kalmarias, Twente, Brescia, Chievo Verona, Benevento dhe Reggina 1914 kanë qenë skuadrat e tij të karrierë.
36-vjeçari ka një vit e gjysmë që është rikthyer te Helsinki në Finlandë dhe ndeshja ndaj Aberdeen në Ligën e Konferencës do të jetë e fundit në karrierën e tij.
Ka qenë faqja zyrtare e Helsinkit që ka njoftuar se Hetemaj sot do të përshëndetet me futbollin aktiv.
Hetemaj ka qenë pjesë e Kombëtares së Finlandës ku ka zhvilluar 49 ndeshje zyrtare duke realizuar edhe katër gola.
E në këtë sfidë drejtësinë do ta ndajnë gjyqtarët nga Kosova me Genc Nuzën kryesor dhe Fatlum Berishën e Bujar Selimajn anësorë, derisa gjyqtar i katërt do të jetë Dardan Çaka. /Telegrafi/