Përmbytje në Rio de Janeiro, erërat fryjnë me 110 kilometra në orë – raportohet për gjashtë të vdekur (Video)

Të paktën gjashtë persona kanë humbur jetën si pasojë e motit të ligë që ka goditur qytetin brazilian Rio de Janeiro, duke u shkaktuar kështu përmbytje nëpër rrugë.

Shpejtësia e erërave të fuqishme ka arritur në 110 kilometra në orë, kurse nga sasia e madhe e baltës shumë rrugë janë bllokuar, transmeton Telegrafi.

Moti i ligë më së shumti i ka dëmtuar lagjet e varfra të këtij qyteti. Kryetari i qytetit Rio Marselo Krivela, ka deklaruar se sasia e madhe e ujit ka qenë e papritur dhe si rezultat ka shkaktuar shumë viktima.

Ky mot i ligë ka ndodhur disa ditë pasi janë shënuar temperaturat shumë të larta, që po konsiderohen si më të lartat në 97 vitet e fundit të këtij qyteti, duke kaluar mbi 42 gradë celsius. /Telegrafi/