Ujërat e furishme të përmbytjeve përfshinë Kanën të hënën, duke shtyrë veturat nëpër rrugë dhe duke e lënë qytetin e rivierës franceze të njohur për festivalin e saj të filmit, në gatishmëri të lartë.
Nuk pati të lënduar si pasojë e përmbytjes në rajonin juglindor francez, ku në vitin 2015 të paktën 19 persona humbën jetën nga përmbytjet e shpejta dhe dhjetëra mijëra patën ndërprerje të energjisë elektrike.
Situata pritej të kthehej në normalitet deri në fund të mëngjesit, pasi stuhia vazhdoi të lëvizte drejt lindjes, tha zëdhënësi i bashkisë së saj, transmeton Telegrafi.
Kryetari i bashkisë së qytetit David Lisnard tha për BFM TV se do të kërkon shpjegim nga autoritetet e tjera sepse qyteti mori një alarm nga qeveria vetëm një orë pas fillimit të stuhisë.
Agjencia franceze e motit tha në një buletin se një tjetër stuhi është e mundur të ndodhë në Kanë gjatë pasdites.
Diku tjetër në Evropë, të paktën 17 njerëz vdiqën në fillim të këtij muaji nga Rumania në Poloni në përmbytjet më të këqija që kanë prekur Evropën Qendrore në dy dekada. /Telegrafi/
In France, the streets of Cannes turned into rivers this morning following torrential rain 🌊👀pic.twitter.com/iQ7cZ4B9Qw
— Volcaholic 🌋 (@volcaholic1) September 23, 2024
In France, the streets of Cannes turned into rivers this morning following torrential rain 🌊👀pic.twitter.com/spe4KfdHL3
— Volcaholic 🌋 (@volcaholic1) September 23, 2024