Pas disa javësh nxehtësie dhe thatësire shkatërruese, qytetet në Arizona u përmbytën pasi një stuhi e fortë goditi zonën.
Shërbimi Kombëtar i Motit në Phoenix paralajmëroi përmbytje të mundshme në disa pjesë të Arizonës.
Të mërkurën në Flagstaff, Arizona, uji mori një veturë gjatë një përmbytje pas reshjeve të mëdha të shiut.
“Kjo është përmbytja më e çmendur që kam përjetuar ndonjëherë në qytet”, tha Taylor Landy, i cili regjistroi videon.
Reshjet e shiut parashikohet të vazhdojnë deri në fund të javës në Arizona, pas zjarreve, ndërprerjeve të energjisë dhe vdekjeve të lidhura me valët e nxehtësisë.
Një paralajmërim për përmbytjen u lëshua për pjesët rurale të Maricopa perëndimore pasi leximet e radarëve të Doppler treguan shi të madh.
Matësit gjithashtu treguan se deri në 2.5 cm ka rënë shi në pjesë të luginës perëndimore dhe stuhi u regjistruan në Surprise, Waddell dhe Fennemore. /Telegrafi/