Tre zjarrfikës të Njësisë territoriale kundër zjarrit të Bashkisë së Shkupit janë lënduar sot, pasi makina e tyre është përmbysur në lagjen Maxhari të Shkupit.
Komandanti i Njësisë së zjarrfikësve, Zvonko Tomeski, për AIM tha se tre zjarrfikësit janë vendosur në Qendrën për urgjencë dhe se po bëhen analiza të detajuara, përcjell Telegrafi Maqedoni.
Ekipi që është aksidentuar është dashur të intervenojë në zjarrin që shpërtheu në një shtëpi në Haraçinë, ndërsa atje është dërguar ekip tjetër.
Sipas informacioneve të para makina e zjarrfikësve është përmbysur nga arsye të panjohura, ndërsa është shkaktuar vetëm dëm material./Telegrafi/
