Një përmbledhje prej gjashtë minutave e Lionel Messit për Paris Saint-Germain kundër Clermont Foot tregon se ai është kthyer në më të mirën e tij dhe vazhdon të mbetet më i miri në botë.
Messi dha një paraqitje të shkëlqyer në ndeshjen hapëse të sezonit 2022/23 të PSG-së në ligë, gjatë ndeshjes ndaj Clermont të shtunën mbrëma.
Ai luajti për skuadrën e tij, duke shënuar një dygolësh madhështor, duke përfshirë një gol magjik me gërshërë dhe duke regjistruar një asistim të bukur për Neymar.
Por, nuk ishin vetëm kontributet e tij në gola që i nxitën fansat për të folur për paraqitjen e tij të mrekullueshme.
Messi dukej se do të kthehej në maksimumin e tij pas një sezoni relativisht të dobët sezonin e kaluar me kampionin e Ligue 1.
Ai ishte jashtëzakonisht me ndikim në të gjitha pjesët e fushës, duke u kthyer thellë për të marrë topin dhe për të diktuar lojën.
35-vjeçari tregoi aftësitë e tij në lojë, duke shpërndarë topin në të gjithë fushën dhe u shfaq plotësisht i integruar në ekip.
Një përdoruesi i rrjetit social Twitter ndau një klip prej gjashtë minutave me pikat kryesore individuale të Messit dhe kjo duket diçka e jashtëzakonshme.
Është e panevojshme të thuhet se performanca e tij bëri të gjithë të flasin në rrjetet sociale, teksa Messi po vazhdon të cilësohet si më i miri në botë. /Telegrafi/
Lionel Messi Vs Clermont foot – 22/23 (A)pic.twitter.com/6S5pTKE5mn
— Λ (@TotalLM10i) August 6, 2022