Në përleshjet me policinë gjermane në Hamburg janë lënduar rëndë 11 protestues, pasi që u rrëzuan nga muri, njoftoi sot shërbimi i zjarrfikësve në këtë qytet.
Siç bëhet e ditur në komunikatë, disa nga demonstruesit ranë nga lartësia prej katër metrash, pas të cilës morën lëndime të rënda, transmeton AP.
Protestat në Hamburg po mbahen kundër mbajtjes së samitit të G20 në këtë qytet, ku po marrin liderë të shumtë botërorë, si presidenti amerikan Donald Trump, ai rus Vladimir Putin dhe kancelarja gjermane Angela Merkel.