Media njoftoi për përleshje midis policisë dhe protestuesve, banorë të fshatrave Orikum dhe Dukat, që kanë filluar që herët në mëngjes protestën për kthimin e pronave.
Banorët janë përpjekur të bllokojnë urën e Izvorit dhe kanë goditur me gurë forcat e rendit, duke plagosur disa prej tyre, bëri të ditur TV Ora News.
Mësohet gjithashtu se policia ka shoqëruar në komisariat dhjetëra banorë, por situata mbetet e tensionuar. /Telegrafi/