Forcat iraniane të sigurisë kanë hapur zjarr ndaj protestuesve që u mblodhën me mijëra të mërkurën në qytetin e lindjes së Mahsa Amini për të shënuar 40 ditë nga vdekja e saj, tha një grup për të drejtat e njeriut.
“Forcat e sigurisë kanë qëlluar me gaz lotsjellës dhe kanë hapur zjarr ndaj njerëzve në sheshin Zindan, në qytetin e Saqezit”, shkroi Hengaw, një grup me bazë në Norvegji që monitoron shkeljet e të drejtave në rajonet kurde të Iranit, pa specifikuar nëse ka të vdekur apo të plagosur, përcjell Telegrafi.
Pavarësisht masave të shtuara të sigurisë, kolona njerëzish ishin në Saqez në provincën perëndimore të Kurdistanit për t’i bërë homazhe Aminit në varrin e saj në fund të periudhës tradicionale të zisë.
This is a stunning video of thousands of people who walk from #Saqez towards #MahsaAmini’s cemetery on the 40th day after her death, despite limitations created by authorities. #مهسا_امینی #IranProtests2022 #سقز pic.twitter.com/P1Rg7jJ40b
— Omid Memarian (@Omid_M) October 26, 2022
Agjencia gjysmë-zyrtare e lajmeve iraniane ISNA konfirmoi se përleshjet po ndodhnin në Saqez, por nuk përmendi pretendimin për të shtënat.
“Një numër i kufizuar i të pranishmëve në memorialin e Mahsa Aminit u përplasën me forcat e policisë në periferi të Saqezit dhe u shpërndanë. Pas përleshjeve të shpërndara, interneti në Saqez u ndërpre për arsye sigurie”, raportoi agjencia, duke shtuar se atje ishin mbledhur rreth 10,000 njerëz.
I am a free woman!
Students are throwing their scarves up 📍Tehran, 26th October#MahsaAmini pic.twitter.com/l8vxF8CVj5
— Pouria Zeraati (@pouriazeraati) October 26, 2022
Amini, një iraniane 22-vjeçare me origjinë kurde, vdiq më 16 shtator, tre ditë pas arrestimit të saj në Teheran nga policia famëkeqe e moralit për shkeljen e dyshuar të kodit islam të veshjes për gratë.
Zemërimi u ndez në funeralin e saj muajin e kaluar dhe shpejt shkaktoi valën më të madhe të protestave që tronditi republikën islamike në pothuajse tre vjet me disa gra të reja që kanë djegur shamitë e tyre duke u përballur me forcat e sigurisë. /Telegrafi/