Autoritetet ruse të zbatimit të ligjit kanë thënë se kanë nisur një hetim për një përleshje masive në rrugë dhe shkëmbim zjarri në qytetin e Chelyabinsk gjatë fundjavës, ku thuhet se ishin të përfshirë veteranë të luftës në Ukrainë.
Sipas mediave të huaja, përcjell Telegrafi, në disa pamje të publikuara, një grup burrash mund të shihen duke rrahur një burrë të shtrirë me fytyrë përtokë me një send të mprehtë.
Disa nga burrat mbanin maska dhe kamuflazh.
Pak çaste më vonë, një grup i veçantë burrash të veshur me të zeza mbërritën me dy makina dhe filluan të hapnin zjarr ndaj grupit të parë të burrave, të cilët më pas u larguan nga zona.
Kanalet e lajmeve në aplikacionin e mesazheve Telegram që besohet se kanë lidhje me shërbimet ruse të sigurisë pretenduan se vetëm tre burra, përfshirë një të mitur, ishin arrestuar.
Russia: Wagner mercenaries got into a mass brawl with local bandits in Chelyabinsk and were winning. Then bandit reinforcements arrived and shot up the mercenaries.
These Wagnerites have now called up their Wagner brethren to come down on the city and destroy the bandits. 🍿 pic.twitter.com/UAbYM9kSQO— Igor Sushko (@igorsushko) May 26, 2024
Dhe disa raporte theksuan se lufta në rrugë mund të ketë shpërthyer për shkak të një “trekëndëshi marrëdhëniesh” midis një vajze, një ushtari të ushtrisë dhe një veterani të grupit mercenar Wagner.
Megjithatë, sipas një raporti të mediave lokale, zënka shpërtheu pasi një luftëtar i Wagner dhe e dashura e tij dyshohet se u sulmuan nga një grup i panjohur burrash.
Nuk ishte e mundur menjëherë të verifikohen në mënyrë të pavarur raporti, i cili pretendonte se të gjithë të arrestuarit gjatë fundjavës ishin anëtarë të Wagner. /Telegrafi/