Mbrëmë në ora 21:30 te sheshi “Shadervan” në Prizren ka ndodhur një përleshje mes dy personave.
“Është arrestuar i dyshuari pasi që i njëjti për shkak te një mosmarrëveshje të mëhershme e ka sulmuar fizikisht viktimën mashkull”, thuhet në raportin policor.
Viktima ka pësuar lëndime të rënda trupore dhe i njëjti ka pranuar tretman mjekësor ne Spitalin Rajonal te Prizrenit.
Me urdhër të prokurorit, sipas raportit policor, i dyshuari dërgohet ne mbajtje.