Një grup burrash në një qytet të Anglisë janë parë duke goditur njëri-tjetrin me ‘fshesa’ në mes të një qendre tregtare.
Sipas medieve të huaja, përcjell Telegrafi, një video e shpërndarë në internet tregoi një përleshje masive të çuditshme që ndodhi të mërkurën në Qendrën Trafford në Manchester.
Videoja tregonte tre burra duke u rrahur me njëri-tjetrin me ‘fshesa’ teksa u përleshën përpara anëtarëve të tronditur të publikut.
“Mund të konfirmoj se kemi marrë një raport rreth orës 21:30 të mërkurën, më 20 tetor për një grup meshkujsh që luftonin në Qendrën Trafford, duke shkaktuar dëme në pronën e biznesit. Sherri përfundoi shpejt, nuk është bërë një arrestim dhe hetimet janë në vazhdim”, tha një zëdhënës i Policisë i Greater Manchester. /Telegrafi/
