Ditën e djeshme Shqipëria është përfshirë nga reshje të shumta shiu, ndërsa pritet që situata e motit të përkeqësuar të zgjasë deri më datë 11 Janar.
Ndërkohë mësohet se bregdeti do të përfshihet nga era në drejtimin Jug-Jug Perëndim në forcën 6-7 bft deri 8bft 15-25m/s dhe lartësi dallge nga 1.80 deri 3.50 metra. Përmirësimi i kushteve hidrometeorologjike është pas orës 06:00 të ditës së nesërme.
“Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmërisë së ekuipazhit në mjetet lundruese”, njofton Drejtoria e Përgjithshme Detare. /Telegrafi/
