Raportet e freskëta të mediave në Spanjë sugjerojnë se Gareth Bale do të largohet nga Real Madrid këtë verë, duke përmendur marrëdhënien e tij në përkeqësim me trajnerin Zinedine Zidane.
Mediumi spanjoll Diario AS i referohet sulmuesit të Uellsit, i cili nuk luajti asnjë minutë me fitoren 3-0 në ndeshjen ndaj Juventusit të martën, si treguesi më i qartë që ende nuk ka rrugë për lojtarin.
Raporti i këtij mediumi thekson se si kjo është hera e parë që 28-vjeçari nuk është paraqitur për Real Madridin në një ndeshje të Ligës së Kampionëve, pavarësisht se është plotësisht i aftë.
Isco dhe Karim Benzema ishin të preferuarit për të mbështetur Cristiano Ronaldon në sulm, ndërsa agjencia e lajmeve me bazë në Madrid përsërit përsëri se si klubi synon të shesë Bale këtë verë.
Ata raportojnë se Los Blancos vitin e kaluar donin të nënshkruanin me Kylian Mbappe nga Monaco dhe lejuan të largojnë Balen për të lehtësuar marrëveshjen ekonomikisht.
Megjithatë, një gjë e tillë nuk ndodhi pasi nuk pati blerës serioz në Bale dhe Mbappe vendosi të transferohet te Paris Saint-Germain.
Tani, marrëdhëniet midis Bale dhe Zidane thuhet se janë përkeqësuar më tej dhe ai pritet sigurt të largohet nga Santiago Bernabeu këtë verë.
Skuadrat më të interesuara për transferimin e Bale janë ato angleze si Manchester Unitedi, Chelsea dhe Arsenali, por pa përjashtuar edhe Tottenhamin. /Telegrafi/