Marina Granovskaia është përmendur në hetimin e fundit në lidhje me aktivitetin potencialisht të paligjshëm të biznesit të Chelseat gjatë epokës së Roman Abramovich.
Sipas Guardian, ish-shefja ekzekutive e Bluve ishte në dijeni për disa nga transaksionet e bëra nga klubi pasi asaj iu dërguan kopje të marrëveshjeve të transferimit.
Për më tepër, ajo duket se ka përfituar personalisht nga pagesat sekrete të zbuluara në hetimet e fundit. Përveç pagës së saj, kompanitë offshore të Abramovichit i dhanë asaj mbi 20 milionë euro në kredi dhe pagesa të ndryshme, me të paktën 10 milionë euro e huave të fshira më pas.
Chelsea aktualisht është nën hetim për pagesa të paligjshme për transferimet e Eden Hazard, Samuel Eto’o dhe Willian.
Fakti që Abramovich nuk zotëron më Chelsean nuk do të ketë ndonjë efekt në dënimin e mundshëm nëse Liga Premier vendos të ngrejë akuza kundër Bluve.
Granovskaia u largua nga klubi në verën e vitit 2022. /Telegrafi/