Me të afruar aktiviteti Unpacked, të cilin Samsung e zhvillon më 20 shkurt, kanë filluar të qarkullojnë lajme, se çfarë mund të shohim aty.
Ka shumë mundësi që të shfaqet i shumëprituri Galaxy S10, që sipas të gjitha gjasave, ka mundësi të jetë i pari telefon i zgjuar me mundësi të paloset, transmeton Telegrafi.
Mirëpo, një lajm që ka qarkulluar së fundmi dhe është shpërnda në Twitter, tregon për kufjet e reja që do ta shoqërojnë këtë pajisje, që njëherësh, janë edhe përgjigjja e Samsung ndaj rivalit Apple.
Fotografitë e rrjedhura, shfaqin një palë kufje të ngjashme me AirPod, që mund të mbushen pa tela, nga sipërfaqja e Galaxy S10.
Detajet nuk janë bërë të ditura, vetëm se thuhet që do të emërohen Samsung Galaxy Bud, ndërsa nuk shihen si duhet sepse ndodhen në kuti. /Telegrafi/
#Samsung – #GalaxyS10 – Samsung S10 (Plus) seen charging new Samsung Galaxy Buds https://t.co/dIfHhODHMp pic.twitter.com/xMDd7rk95L
— /LEAKS (@Slashleaks) February 6, 2019