Boston Celtics kanë shënuar fitore të mundimshme kundër Charlotte Hornets me rezultat 90:87.
Por, minutat e para të ballafaqimit nuk ishte edhe aq të mira për basketbollistin Kyrie Irving.
Ky i fundit pësoi një incident kur shoku i ekipit, Bane e goditi me bërryl gjatë një kërcimi për të rrëmbyer topin nën kosh, e cila rezultoi me gjakderdhje.
Kyries iu dha ndihmë, pas së cilës nuk hyri në lojë, e cila u shfrytëzua më së miri nga Charlotte për të shkuar në 18 pikë epërsi.
Megjithatë, edhe pa Irvingun, Celtics arriti të bëjë përmbysjen e madhe dhe të shënojë fitoren 11-të me radhë këtë sezon në NBA.
Shane Larkin dhe Jayson Tatum, ishin koshashënuesit më të mirë te Bostoni me nga 16 pikë secili, derisa te Hornetsi u dallua Kemba Walker me 20 sosh.
Kjo ishte fitorja e 11-të e Bostonit me radhë krahas 2 humbjeve që i kanë dhe aktualisht është seria më e gjatë e fitoreve në NBA. /Telegrafi/
