Rick Fox nuk ndodhej në helikopterin, me të cilin e humbi jetën Kobe Bryant në Calabasas të Kalifornisë mëngjesin e të dielës (26 janar).
Përfaqësuesja e ish-yllit të LA Lakers, Jessica Steindorff, ka konfirmuar për Heavy.com se ai nuk e ka humbur jetën duke i përgënjeshtruar kështu lajmet për vdekjen e tij.
Lajmin se ish-ylli i NBA është gjallë e ka konfirmuar edhe thjeshtra e Fox, si edhe miq të tij, të cilët kishin biseduar pas përhapjes së lajmit të rrejshëm.
Rick Fox dhe Kobe Bryant (Foto: Jed Jacobsohn/Allsport/Getty Images/Guliver)ESPN dhe ABC News kishin raportuar se së bashku me Bryant në helikopter ndodhej edhe Rick Fox dhe se ai ka vdekur bashkë më të, gjë që ka rezultuar e pavërtetë.
Kobe Bryant dhe katër njerëz të tjerë, duke e përfshirë edhe vajzën e tij 13 vjeçare, Gianna, e humbën jetën nga rrëzimi i helikopterit në Calabasas. /Telegrafi/