Një “Hapësirë e kufizuar ajrore e mbrojtjes kombëtare” është vendosur mbi shtëpinë e kandidatit demokrat Joe Biden në Wilmington, Delaware.
Sipas mediave të huaja, përcjell Telegrafi, Administrata Federale e Aviacionit postoi Kufizimin e Përkohshëm të Fluturimit të mërkurën, ditën pas zgjedhjeve të përgjithshme.
Një njoftim i FAA për pilotët i disponueshëm në internet tregon se rrezja e ndalimit prej një milje e zonës së fluturimeve është aktive deri të mërkurën e ardhshme në mëngjes.
CNN reports that a national defence airspace is being established over Biden's home in Wilmington, first trappings of the presidency.
— Julian Borger (@julianborger) November 6, 2020
FAA thotë se hapësira ajrore është kufizuar gjithashtu përkohësisht mbi Qendrën Chase aty pranë, ku është vendosur skena për një fjalim të mundshëm të fitores së Biden – nëse ai përfundimisht fiton zgjedhjet presidenciale.
Ish zëvendëspresidenti Joe Biden ka marrë kryesimin me vota në shtetin e tij të lindjes në Pensilvani.
Me 20 votat elektorale të Pensilvanisë, Biden do të tejkalonte 270 votat elektorale të nevojshme për të fituar presidencën.
Ndryshe, ish-zëvendëspresidenti Joe Biden është duke udhëhequr në raport me presidentin Donald Trump edhe në Georgia, një kthesë mahnitëse e ngjarjeve në një shtet dikur të besueshëm republikan që Trump duhet të fitojë në mënyrë që të rizgjidhet president. /Telegrafi/